LANGUAGE

Maltese

Polish

Portuguese

Romanian

Politika ta’ Privatezza ta’ Alphonso
EU Smart TV

Data Effettiva: 29 ta’ Awwissu 2022

Il-politika li ġejja hija maħsuba għall-utenti ta’ Smart TVs fiż-Żona Ekonomika Ewropea (“ŻEE”), fir-Renju Unit (“UK”) u fl-Iżvizzera.

Alphonso Hellas S.A. tiżviluppa u tiddistribwixxi ċertu software “Vidjo AI” għall-kaxxi tad-dekowder u għat-televiżjonijiet tat-tip smart. Vidjo AI jirreferi għall-kapaċità ta’ Alphonso li tiġbor u tanalizza l-kontenut disponibbli għall-pubbliku (programmi, reklami, films, logħob bil-vidjow tat-televiżjoni) li jkunu qed jiġu eżegwiti fuq televiżjoni jew permezz tiegħu, inkluża t-teknoloġija ta’ ġbir tar-rikonoxximent awtomatiku tal-kontenut (ACR) ta’ Alphonso. L-għodod għall-ġbir, il-ħżin, l-analiżi u r-rapportar tad-data tal-Vidjo AI huma kollettivament imsejħa s-Servizz. Id-data pprovduta lill-klijenti tagħna permezz tas-Servizz ma tidentifikax b’mod speċifiku lilek jew lill-apparat tiegħek; id-data li niksbu mingħandek hija mħallta mad-data li niġbru mingħand utenti oħra tal-Ismart TVs, u dik id-data aggregata hija dik li tiġi kondiviża mal-Klijenti tagħna.

Din il-politika tispjega kif Alphonso tiġbor, tuża u tikkondividi l-informazzjoni meta l-konsumaturi jinteraġixxu mas-Servizz. Int tabbona għas-Servizz permezz tal-għażliet ta’ konfigurazzjoni fuq l-Ismart TV tiegħek, jew matul l-arranġament inizjali, jew billi tmur lura għall-menù tas-settings u tagħżel l-għażla li tabbona għall-ACR. Bl-istess mod, tista’ tagħżel li ma tabbonax għas-Servizz fi kwalunkwe ħin permezz tal-menù tas-settings fuq l-Ismart TV tiegħek, billi tiddiżattiva l-ACR mis-settings.

Informazzjoni Miġbura

Kull meta tinteraġixxi mas-Servizz, inti tagħti l-kunsens tiegħek għal varjetà ta’ teknoloġiji li jintużaw għall-ġbir tad-data, li jistgħu jinkludu:

It-tip ta’ apparat;
L-għamla u l-mudell tal-apparat;
It-tip ta’ sistema operattiva;
Il-ħin tal-interazzjoni tiegħek mas-Servizz;
Identifikaturi tal-apparat, bħall-indirizz tal-IP;
Informazzjoni dwar il-post tiegħek.

Aħna nistgħu nirċievu wkoll informazzjoni mingħand partijiet terzi. L-informazzjoni tinkludi informazzjoni u interessi demografiċi ġenerali assoċjati ma’ unità domestika (eż. xiri offline). L-informazzjoni kkombinata tintuża biss bil-mod deskritt f’din il-politika ta’ privatezza.

Is-Servizz jiġbor biss data mill-apparat tiegħek jekk tkun qbilt li tipparteċipa. Jekk taqbel,
is-Servizz jista’ jiġbor informazzjoni bil-vidjo u/jew bl-awdjo minn dak li inti tkun qed tara permezz tal-apparat tiegħek, irrispettivament mis-sors tal-informazzjoni (eż., apparati tat-televiżjoni, tal-vidjo u tal-awdjo, kaxxi tad-dekowder, eċċ.) sabiex jiġu ddeterminati l-programmi li kont qed issegwi u r-reklami li tkun rajt. L-informazzjoni miġbura tissejjaħ id-“Data tal-Viżwalizzazzjoni”. Filwaqt li s-Servizz jiġbor identifikaturi tal-apparat (bħall-indirizz tal-IP) li huma assoċjati mad-Data tal-Viżwalizzazzjoni tiegħek, id-Data tal-Viżwalizzazzjoni tiegħek qatt mhija assoċjata, fi kwalunkwe wieħed mill-materjali li nipprovdu lis-Sħab tad-Data tagħna, ma’ ismek, l-indirizz postali, jew il-posta elettronika tiegħek. Importanti, il-Vidjo AI ta’ Alphonso ma jirrikonoxxix konverżazzjoni umana, ħsejjes ambjentali, u kontenut ieħor bl-awdjo jew bil-vidjo mhux kummerċjali.

L-Użu u l-Kondiviżjoni tal-Informazzjoni

L-użi kollha tal-informazzjoni tiegħek huma bbażati fuq il-kunsens tiegħek. Tista’ tirtira
l-kunsens tiegħek fi kwalunkwe ħin billi ma tibqax abbonat għas-Servizz fi kwalunkwe ħin permezz tal-menù tas-settings fuq l-Ismart TV tiegħek.

Alphonso tagħmel distinzjoni bejn il-Fornituri tas-Servizzi, is-Sħab tad-Data u l-Klijenti. Il-Fornituri tas-Servizzi jirċievu Data tal-Viżwalizzazzjoni li tista’ tinkludi identifikaturi tal-apparat. Il-Fornituri tas-Servizzi jagħmlu varjetà ta’ kompiti, fosthom iwettqu tqabbil biex iżidu d-data, iwettqu tqabbil li jippreżerva l-anonomità sabiex ikunu jistgħu jinħolqu settijiet ta’ data li ma jkollhom l-ebda kriterju ta’ identifikazzjoni (eż., l-ebda identifikatur ta’ apparat), jew servizzi ta’ reklamar rilevanti għalik. Dawn il-Fornituri tas-Servizzi huma kuntrattwalment limitati fil-mod ta’ kif jitħallew jużaw kwalunkwe Data tal-Viżwalizzazzjoni, u huma meħtieġa jħassru d-Data tal-Viżwalizzazzjoni kollha ladarba jkunu wettqu l-funzjoni tagħhom.

Is-Sħab tad-Data jirċievu Data tal-Viżwalizzazzjoni li tista’ tinkludi identifikaturi tal-apparat. Huma kapaċi jużaw id-data biex joħolqu prodotti li se jinbiegħu jew li altrimenti se jiġu kondiviżi mal-Klijenti. Is-Sħab tad-Data jitħallew iżommu d-Data tal-Viżwalizzazzjoni għat-tul ta’ żmien li matulu jkollhom bżonnha, iżda huma kuntrattwalment meħtieġa jiżguraw li l-ebda wieħed mill-prodotti li jipprovdu lill-klijenti tagħhom ma jinkludi xi data identifikabbli. Barra minn hekk, is-Sħab kollha tad-Data jaqblu kuntrattwalment li jħassru d-data relatata ma’ kwalunkwe individwu partikolari bi tweġiba għal talba vverifikata riċevuta mis-Sieħeb
tad-Data jew minn Alphonso, f’konformità ma’ kwalunkwe liġi jew regolament applikabbli
dwar il-privatezza.

Il-Klijenti jirċievu biss id-Data tal-Viżwalizzazzjoni f’forma aggregata jew anonimizzata. Madankollu, huma jistgħu jużaw id-data li jixtiequ, u jistgħu jżommu d-data għat-tul ta’ żmien li jagħżlu. Iżda, għal darb’oħra, l-ebda parti minn dik id-data mhija identifikabbli għal individwu.

Alphonso u l-Fornituri tas-Servizzi tagħha jużaw id-Data tal-Viżwalizzazzjoni għal diversi skopijiet, inkluż biex:

Iwasslu materjali ta’ kummerċjalizzazzjoni u ta’ reklamar f’isimna, u għal partijiet terzi oħra, li aħna nemmnu li huma rilevanti għalik, kemm għall-Ismart TV tiegħek kif ukoll għal apparati oħra li huma konnessi mal-Ismart TV tiegħek, jew direttament jew permezz ta’ konnessjonijiet bla fili;
Joffrulek rakkomandazzjonijiet dwar il-kontenut tal-programmi fuq it-televiżjoni tiegħek u apparati oħra li nemmnu li tista’ tieħu gost tara; u
Iwettqu servizzi ta’ kummerċjalizzazzjoni.

Alphonso u s-Sħab tad-Data tagħha jużaw id-Data tal-Viżwalizzazzjoni għal diversi skopijiet, inkluż biex:

Iżommu, joperaw, itejbu u jipprovdu s-Servizz; u
Jiġġeneraw rapporti li janalizzaw ix-xejriet u l-imġibiet tal-utenti.

Alphonso tuża wkoll id-diversi tipi ta’ informazzjoni li tiġbor fl-interess leġittimu tagħha:

Biex iżżomm, topera, ittejjeb in-negozju tagħna;
Biex tappoġġa l-isforzi tagħna għall-iżvilupp tan-negozju;
Biex tipprovdi servizz lill-klijenti, tikkomunika mal-klijenti tagħna u tikkummerċjalizza magħhom; u
Biex timmonitorja s-Servizz għall-konformità legali, u l-konformità mat-termini tal-użu tiegħek.

Alphonso tista’ tikkondividi kwalunkwe data li tiġbor ma’ varjetà ta’ partijiet, inkluż:

Bħala parti minn bejgħ korporattiv, fużjoni, akkwiżizzjoni, jew trasferiment ieħor tal-assi tagħna kollha jew parti minnhom, inkluż bħala parti minn proċediment ta’ falliment.
Is-suċċessur ta’ Alphonso se jkollu d-drittijiet kollha u jkun soġġett għall-obbligi kollha ta’ din il-politika ta’ privatezza; jew
Skont ċitazzjoni, ordni tal-qorti, jew proċess legali ieħor kif meħtieġ mil-liġi, jew biex jiġu protetti d-drittijiet tagħna, jew id-drittijiet ta’ partijiet terzi.

Għandek id-dritt li tirtira l-kunsens tiegħek fi kwalunkwe ħin. Biex issir taf dwar kif tista’ tikkontrolla l-użu tagħna u l-kondiviżjoni tal-informazzjoni li niġbru, jew biex tirtira l-kunsens li tkun tajt qabel, jekk jogħġbok ara t-taqsima “l-Għażliet Tiegħek” hawn taħt. Jekk jogħġbok innota li jekk ma tagħtix kunsens, jew jekk tagħżel li tirtira l-kunsens tiegħek, ir-reklamar li tara fuq l-apparati tiegħek jista’ jkun inqas rilevanti għalik, u ma tirċevix rakkomandazzjonijiet personalizzati dwar il-kontenut fuq it-televiżjoni tiegħek.

L-Għażliet Tiegħek

Is-Servizz

Int tabbona għas-Servizz permezz tal-għażliet ta’ konfigurazzjoni fuq l-Ismart TV tiegħek, jew matul l-arranġament inizjali, jew billi tmur lura għall-menù tas-settings u tagħżel l-għażla
li tabbona għall-ACR. Jekk tagħżel li tabbona għas-Servizz, inti tagħti l-kunsens tiegħek
għall-ġbir u l-użu tagħna tad-data dwar il-kontenut bil-vidjo u l-awdjo fuq dak l-Ismart TV biex nippersonalizzaw ir-reklamar f’apparati konnessi oħrajn, biex nipprovdulek rakkomandazzjonijiet dwar il-kontenut tat-televiżjoni, u għal użi oħra kif deskritt hawn fuq. Jekk tixtieq tirtira dak
il-kunsens fi kwalunkwe ħin, tista’ tagħmel dan fil-menù tas-settings tal-Ismart TV tiegħek,
billi tiddiżattiva l-ACR fis-settings.

Reklamar Ibbażat fuq l-Interess

Ir-reklamar ibbażat fuq l-interess huwa ġeneralment definit bħala l-użu ta’ cookies, sinjali tal-web, IDs tal-apparat, u teknoloġiji oħra biex tinġabar informazzjoni dwar kif jintużaw is-servizzi madwar l-Internet. L-informazzjoni li tinġabar tista’ tinkludi: Indirizzi tal-IP, brawżers tal-web, paġni viżwalizzati, il-ħin li wieħed iqatta’ fuq il-paġni jew fl-applikazzjonijiet, links li wieħed jikklikkja fuqhom, u informazzjoni dwar il-konverżjoni. Sa fejn, kif deskritt hawn fuq, Alphonso tuża kwalunkwe wieħed minn dawn il-metodi biex tiġbor id-data, Alphonso tikkonforma mal-Prinċipji Awtoregolatorji tal-Alleanza tar-Reklamar Diġitali (“DAA”) rigward ir-reklamar ibbażat fuq l-interess.

L-informazzjoni li tinġabar tintuża biex tipprovdi reklamar allinjat mal-interessi rilevanti. Pereżempju, l-unitajiet domestiċi li jaraw programmi tat-tisjir jistgħu jiġu pprovduti b’reklamar għall-bejgħ ta’ provvisti tat-tisjir. Alphonso tuża din id-data miġbura (jiġifieri, unitajiet domestiċi li jaraw programmi tat-tisjir) biex toħloq “segmenti”, li huma gruppi aggregati ta’ unitajiet domestiċi li jistgħu jirċievu r-reklamar ibbażat fuq l-interess. Il-ħolqien ta’ dawn is-segmenti huwa l-proprjetà ta’ Alphonso, u jinvolvi konklużjonijiet suġġettivi li jkunu waslu għalihom l-analisti tad-data ta’ Alphonso abbażi tad-data aggregata, u mhux abbażi ta’ unitajiet domestiċi individwali.

Jekk tixtieq teżerċita għażla dwar reklamar ibbażat fuq l-interess fuq brawżer, tista’ żżur www.aboutads.info/choices. Biex tagħmel għażliet dwar ir-reklamar ibbażat fuq l-interess fuq apparat mobbli, tista’ tniżżel il-verżjoni ta’ AppChoices għall-apparat tiegħek permezz ta’ www.youradchoices.com/appchoices.

Jekk tagħżel li ma taċċettax ir-reklamar ibbażat fuq l-interess permezz tal-għodod deskritti hawn fuq, aħna se nieqfu nużaw id-data minn dak l-apparat għar-reklamar ibbażat fuq l-interess fuq dak il-brawżer, l-apparat mobbli, u fuq apparati assoċjati. Se nieqfu wkoll nużaw data miġbura minn apparati assoċjati għal reklamar ibbażat fuq l-interess fuq l-apparat fejn ġiet eżerċitata l-għażla.

Tfal

Alphonso mhix se tiġbor apposta informazzjoni personalment identifikabbli jew informazzjoni oħra mingħand tfal taħt l-età ta’ 13-il sena (jew età stabbilita mil-liġi lokali f’ġuriżdizzjoni fejn noffru s-Servizzi tagħna). Meta l-informazzjoni tinġabar b’mod elettroniku, Alphonso jaf ma tkunx tista’ tiddetermina jekk l-informazzjoni tkunx inġabret mingħand xi ħadd taħt l-età ta’ 13-il sena, u tali informazzjoni tiġi ttrattata daqslikieku nġabret mingħand adult. Jekk insiru nafu li persuna taħt it-13-il sena tkun ipprovdiet informazzjoni, Alphonso se tieħu passi biex tneħħi tali informazzjoni u ttemm l-aċċess u l-użu tas-Servizz ta’ dak l-individwu.

Sigurtà

Alphonso tieħu passi fiżiċi, tekniċi u amministrattivi raġonevoli biex tgħin fiż-żamma tal-informazzjoni li aħna niġbru, naħżnu u nużaw b’mod sikur. Dawn il-passi jinkludu l-hashing (jew kriptaġġ ieħor) tal-informazzjoni personali tiegħek, flimkien ma’ limitazzjonijiet dwar min jitħalla jaċċessa l-informazzjoni personali tiegħek.

Iż-Żamma tad-Data

Alphonso żżomm l-informazzjoni personali li niġbru biex tappoġġa s-Sit u s-Servizz tagħna
biss sakemm ikun meħtieġ ħalli jiġu ssodisfati l-iskopijiet li għalihom aħna nkunu ġbarnieha, inkluż sabiex jiġi ssodisfat kwalunkwe rekwiżit legali, kontabilistiku jew ta’ rapportar, biex jiġu stabbiliti jew difiżi talbiet legali, jew għal skopijiet ta’ prevenzjoni tal-frodi. Wara dan iż-żmien, dik l-informazzjoni personali titħassar jew tiġi deidentifikata, sabiex ma tkunx tista’ tibqa’ tiġi assoċjata miegħek.

Ir-referenzi għal “Informazzjoni Personali” f’din il-Politika ta’ Privatezza huma ekwivalenti għal “data personali” regolata mil-leġiżlazzjoni Ewropea dwar il-protezzjoni tad-data. Essenzjalment, din tikkonċerna informazzjoni dwar individwu, li permezz tagħha dak l-individwu jew jiġi identifikat direttament jew ikun jista’ jiġi identifikat.

Alphonso Inc. hija l-kontrollur tal-Informazzjoni Personali tiegħek koperta minn din il-Politika ta’ Privatezza għall-iskopijiet tal-leġiżlazzjoni Ewropea dwar il-protezzjoni tad-data.

Kontrolli tad-Data

Ir-referenzi għal “informazzjoni personali” f’din il-politika huma ekwivalenti għal “data personali” regolata mil-leġiżlazzjoni Ewropea dwar il-protezzjoni tad-data. Essenzjalment, din tikkonċerna informazzjoni dwar individwu, li permezz tagħha dak l-individwu jew jiġi identifikat direttament jew ikun jista’ jiġi identifikat.

Alphonso Inc hija l-kontrollur tal-informazzjoni personali tiegħek koperta minn din il-politika għall-iskopijiet tal-leġiżlazzjoni Ewropea dwar il-protezzjoni tad-data, u tikkonforma mal-liġijiet Ewropej applikabbli dwar il-protezzjoni tad-data, inklużi l-GDPR tal-UE u l-GDPR tar-Renju Unit, rigward il-ġbir, l-użu, l-iżvelar u ż-żamma tal-informazzjoni personali tiegħek.

Trasferimenti transfruntiera tad-data: Alphonso tista’ tittrasferixxi d-data tiegħek lil riċevituri barra miż-ŻEE u/jew mir-Renju Unit. Xi wħud minn dawn ir-riċevituri jinsabu f’pajjiżi li fir-rigward tagħhom il-Kummissjoni Ewropea u/jew il-Gvern tar-Renju Unit (kif u meta applikabbli) ikunu ħarġu deċiżjonijiet ta’ adegwatezza, f’liema każ, il-pajjiż tar-riċevitur huwa rikonoxxut bħala li jipprovdi livell adegwat ta’ protezzjoni tad-data skont il-liġijiet tar-Renju Unit u/jew Ewropej dwar il-protezzjoni tad-data (kif applikabbli) u t-trasferiment huwa għalhekk permess skont l-Artikolu 45 tal-GDPR.

Xi riċevituri tad-data tiegħek jistgħu jkunu jinsabu f’pajjiżi barra miż-ŻEE u/jew fir-Renju Unit li għalihom il-Kummissjoni Ewropea jew il-Gvern tar-Renju Unit (kif u meta applikabbli) ma jkunux ħarġu deċiżjonijiet ta’ adegwatezza fir-rigward tal-livell ta’ protezzjoni tad-data f’pajjiżi bħal dawn (“Pajjiż Ristrett”). Pereżempju, l-Istati Uniti huma Pajjiż Ristrett. Meta nittrasferixxu d-data tiegħek lil riċevitur f’Pajjiż Ristrett, aħna se nagħmlu waħda minn dawn li ġejjin:

nidħlu fi ftehimiet xierqa dwar it-trasferiment tad-data bbażati fuq il-Klawżoli Kuntrattwali Standard taż-ŻEE jew tar-Renju Unit (kif applikabbli) kif approvati minn żmien għal żmien mill-Kummissjoni Ewropea skont l-Artikolu 46 tal-GDPR, l-Uffiċċju tal-Kummissarju għall-informazzjoni tar-Renju Unit jew il-Gvern tar-Renju Unit (kif u meta applikabbli); jew
nibbażaw fuq mezzi xierqa oħra permessi mill-GDPR taż-ŻEE/tar-Renju Unit, li jistabbilixxu li riċevituri bħal dawn se jipprovdu livell adegwat ta’ protezzjoni tad-data u li hemm stabbiliti miżuri tekniċi u organizzattivi ta’ sigurtà xierqa biex l-informazzjoni personali tiġi protetta mill-qerda, it-telf jew il-bidla aċċidentali jew illegali, l-iżvelar jew l-aċċess mhux awtorizzat, u mill-forom illegali l-oħra kollha ta’ pproċessar.

Tista’ titlob kopja ta’ dan il-mekkaniżmu speċifiku xieraq għat-trasferiment tad-data billi tikkuntattjana fuq info-EU@alphonso.tv.

Drittijiet Individwali: Il-liġijiet Ewropej dwar il-protezzjoni tad-data jagħtuk ċerti drittijiet rigward l-informazzjoni personali tiegħek. Jekk tinsab fl-Ewropa, tista’ titlobna nieħdu
l-azzjonijiet li ġejjin fir-rigward tal-Informazzjoni Personali tiegħek li nipposjedu:

Dritt ta’ aċċess: Tista’ titlobna nipprovdulek informazzjoni dwar l-ipproċessar tagħna
tal-informazzjoni personali tiegħek u nagħtuk aċċess għall-informazzjoni personali tiegħek.
Dritt għal rettifika: Jekk l-informazzjoni personali li għandna dwarek ma tkunx preċiża jew ma tkunx kompluta, int intitolat li titlob li din tiġi rrettifikata.
Dritt għal tħassir: Tista’ titlobna nħassru jew inneħħu l-informazzjoni personali tiegħek meta ma jkun hemm l-ebda raġuni legali għaliex għandna nkomplu naħżnuha jew nipproċessawha, meta tkun eżerċitajt b’suċċess id-dritt tiegħek li toġġezzjona għall-ipproċessar (ara hawn taħt), meta stajna nipproċessaw l-informazzjoni tiegħek b’mod illegali jew meta nkunu meħtieġa nħassru l-informazzjoni personali tiegħek biex nikkonformaw mal-liġi lokali.
Dritt li jiġi ristrett l-ipproċessar: Tista’ titlobna nissospendu l-ipproċessar tal-informazzjoni personali tiegħek jekk: (i) tixtieq li nistabbilixxu l-akkuratezza tad-data; (ii) meta l-użu tagħna tal-informazzjoni personali jkun illegali iżda ma tkunx tixtieq tħassarha; (iii) meta tkun teħtieġ li nżommu l-informazzjoni personali anke jekk ma jkollniex aktar bżonnha peress li inti jkollok bżonnha biex tistabbilixxi, teżerċita jew tiddefendi talbiet legali; jew (iv) tkun oġġezzjonajt għall-użu tagħna tal-informazzjoni personali tiegħek iżda jkollna bżonn nivverifikaw jekk għandniex raġunijiet leġittimi prevalenti biex nużawha.
Dritt ta’ oġġezzjoni: Meta nkunu qed nibbażaw fuq interess leġittimu (jew fuq dawk ta’ parti terza) u jkun hemm xi ħaġa dwar is-sitwazzjoni partikolari tiegħek li twasslek biex toġġezzjona għall-ipproċessar fuq din il-bażi peress li tħoss li għandha impatt fuq id-drittijiet u l-libertajiet fundamentali tiegħek.
Dritt għall-portabbiltà tad-data: F’ċerti ċirkostanzi, għandek id-dritt li titlobna nipprovdulek, jew parti terza li tkun għażilt, l-informazzjoni personali tiegħek f’format strutturat, użat b’mod komuni u li jinqara minn magna. Innota li dan id-dritt japplika biss għal informazzjoni awtomatizzata li inizjalment tkun ipprovdejt il-kunsens biex nużawha jew meta nkunu użajna l-informazzjoni biex nwettqu kuntratt miegħek.
Id-dritt li jiġi rtirat il-kunsens fi kwalunkwe ħin: Meta nkunu qed nibbażaw fuq il-kunsens biex nipproċessaw l-informazzjoni personali tiegħek, int għandek id-dritt li tirtira l-kunsens tiegħek fi kwalunkwe ħin. Madankollu, dan ma jaffettwax il-legalità ta’ kwalunkwe pproċessar imwettaq qabel ma tirtira l-kunsens tiegħek.

Jekk jogħġbok kun af li xi wħud minn dawn id-drittijiet jistgħu jkunu limitati meta jkollna interess prevalenti jew obbligu legali li nkomplu nipproċessaw l-informazzjoni personali jew meta japplikaw ċerti eżenzjonijiet. Jekk nirrifjutaw it-talba tiegħek, aħna se ngħidulek għaliex, soġġett għal restrizzjonijiet legali.

Biex teżerċita kwalunkwe wieħed minn dawn id-drittijiet, jekk jogħġbok ikkuntattjana fuq EUprivacy@alphonso.tv. Nistgħu nitolbuk informazzjoni speċifika biex tgħinna nikkonfermaw l-identità tiegħek u nipproċessaw it-talba tiegħek.

Għalkemm qed inħeġġuk li l-ewwel tikkuntattjana biex insibu soluzzjoni għal kull tħassib li jista’ jkollok, dejjem għandek id-dritt li tippreżenta lment quddiem l-awtorità kompetenti tiegħek għall-protezzjoni tad-data. Tista’ ssib ir-regolatur tal-protezzjoni tad-data tiegħek hawnhekk.

Uffiċjal tal-Protezzjoni tad-Data

Charalampos Mitsiopoulos inħatar bħala l-Uffiċjal tal-Protezzjoni tad-Data (“UPD”) ta’ Alphonso u rappreżentant fl-UE għal kwistjonijiet ta’ protezzjoni tad-data, skont l-Artikoli 27 u 37 tar-Regolament Ġenerali dwar il-Protezzjoni tad-Data tal-UE. Is-Sur Mitsiopoulos jista’ jiġi kkuntattjat, minbarra Alphonso, dwar il-kwistjonijiet kollha relatati mal-ipproċessar tal-informazzjoni personali tiegħek. Biex tagħmel din it-talba, jekk jogħġbok ikkuntattja info-EU@alphonso.tv.

Aġġornamenti

Alphonso tirriżerva d-dritt, fid-diskrezzjoni tagħha biss, li taġġorna, timmodifika jew tissostitwixxi din il-politika ta’ privatezza, kompletament jew parzjalment, fi kwalunkwe ħin. Għal kwalunkwe bidla mhux materjali (pereżempju, jekk ningħataw indirizz ġdid, jew naħtru UPD ġdid), l-aċċess jew l-użu kontinwu tas-Servizz wara bidla bħal din jikkostitwixxi l-aċċettazzjoni tiegħek ta’ dik il-bidla. Il-bidliet mhux materjali kollha se jiġu elenkati fuq is-sit web applikabbli tal-Politika ta’ Privatezza ta’ Alphonso. Għal kwalunkwe bidla materjali (pereżempju, jekk nibdlu l-mod kif niġbru, nużaw jew nikkondividu d-data), inti se tirċievi komunikazzjoni permezz tal-apparat tiegħek u se tintalab terġa’ taċċetta l-Politika ta’ Privatezza. F’dak il-każ, jekk tagħżel li ma taċċettahiex mill-ġdid, is-Servizz ma jibqax attiv fuq l-apparat tiegħek.

Kuntatt

Jekk għandek xi mistoqsijiet dwar il-Ftehim dwar il-Liċenzja tal-Utent, il-politika ta’ privatezza jew in-negozjati tiegħek mas-Servizz, jekk jogħġbok ikkuntattjana fl-ambitu tar-rwol tagħna bħala kontrollur tad-data, fuq:

Alphonso Hellas S.A.
Attn: Privacy
Egnatias 154, 54636 Thessaloniki, Greece
Posta elettronika: info@alphonso.tv

Jekk għandek xi mistoqsijiet dwar id-drittijiet speċifiċi tiegħek fl-Ewropa (ŻEE, l-Iżvizzera u
r-Renju Unit), jekk jogħġbok ikkuntattjana fuq: info-EU@alphonso.tv